ALambIkelAlin.com
About ALambIkelAlin.com
Cómpre notar que algo bate no peito, cómpre de cando en vez botarse ao monte, perderse cos amigos polas corredoiras cheas de pedra, polas congostras sementadas de puro esforzo e lama. Cómpre sentir. Pídenolo o ser. Mesmo para vivir. Por iso pedaleamos xuntos. Para saber de nós e dos tesouros deste vello país. Somos o CC AlamBIKE. Cremos na bici e na amizade. E aínda que ti non queiras, tamén cómpre que saibas que, se es deses, nunca pedalearás só.